-قالت :
في يوم صِبح عِشقي الكلام
إتورطت عينيا شوف
ورُبط قول (اللّم) بي قاف
واترجمت صحة عقل
وكان (القلم)
صديق آلم
ومنديل دموع
ورافع بلم
وفي يوم شنيع
إتشاكلن بنوت فريقنا
الجاريات
ورا الوهم
العاديات
بلا فهم
الجائعات
فاقدات نَهم
الجاهرات أصواتن الفاقعة الصبر
المُرهقات روقة وجشع
إتشاكلن بس شان وِليد إسمو (الربيع)
ذايع حديثو في كل البيوت
مشهودلو بي همة وشجاعة
مفتول عضل شامخ صمود
متعالي ما شاف الجمال
وبنوتنا ضجن في سكوت
كيف يسحِرِن?!
وما يعبِرِن!!!
وكيف يمشي ما يختار حبيبتو
ولا يُنضم النظرات سُبات
إتشاكلن
وإتعّورن
ِإِتماعطن خُصل السواد
وسواد عيونك يا الربيع
جنس محن لو شفتهن
متشحتفات والحال يحنن
كمراهقات بعد العمر شخبط تجاعيد وشِهِن
وأنا في جواي ضحكت زيييين
شمتاااانة
والحمدلله ما بَشبَهِن
أنا يا الربيع بس بشبهك
عمرك قصير في بلد السُمر
جَنوك ربيع لى هَمهِن
وأنت في هموم
بتعد في يومك وهو العُمر
وأنا قليبي ما بكفيهو يوم
وأتعلقك
وأتولفك
وأتشهقك نفحات صباح
وأعشقك
خليك للبنوت أمل
وخليك لأحلامن وطن
وأنا سيبني للسين والجواب
أتحاورك
وأتشاورك
وأتعاهدك عهود ثواب
وأكتب فصولك في جواب
وأحكيلك الشوق السرق مني العذاب
وأتعذبك في ريقي موية وصفحة ناصعة في كم كتاب
#نوادر_إبراهيم
ليست هناك تعليقات:
إرسال تعليق