خلونا نغرق كلنا
خلونا ننزل للعمق
نهبط تحت فى ذلنا
خلونا نسكت كل يوم
خلوهو خوفنا يملنا
خلوهو يخجل ضلنا
خلوهو يسخر مننا
مالو البحر خطف الصغار
يمكن يكون الموج هو ثار
ضاج من سكوتنا و همنا
ضحوا الصغار صرخوا و مشوا
في الموية راحوا و ذنبنا
الحيط وقع كان ذنبنا
و الاغتصاب المن سنين مننا
و إتجار طفولة هو ذنبنا
و سياسات كتيره فيها الضلال
أطفالنا عانوا و مننا
صمت القلوب نار الظلم خوف الحقيقه ذنبنا
هم الرغيفة من الصباح جوع الهتاف و البشتنه
لمتين كده حال الشعوب لمتين نردد ذمنا
و نضحي بالناس البريئة كفاية نسفك دمنا
لمتين كده نعيد خطايانا و نحيبنا
لمتين نلعن حظنا
ما دام سكاتنا شكى و بكى
مادام ضميرنا سكت كتير و اشتقنا لسنين عزنا
خلونا ننزل للعمق
خلونا نغرق كلنا
ليست هناك تعليقات:
إرسال تعليق