و كان ضاقت مداين الليل
و إن شردت حروف اللهفه دون تدليل
ولو خافت عيونى عليك فى ظلمة خداع الويل
تعال قرب على الأوطان بتلقى الهمس صوتو جميل
و بعض الأحرف المجنونه فيك مرهونه بالتحليل
طريق اللقيا فى جواي مصادق أحرف التبجيل
سلام يا زول تعال امرق تعال نمشيهو دربنا عديل
نسالم بهجة الكلمات نصالح قسوة المنديل
و حقك يا حبيب الروح تفرح فى عيون النيل
تضحك لجمال الضفه ترشك لفحة فيها الحيل
تعال ننسى المدامع ديك نسجل بصمة أسعد جيل
بدون عينيك بس شايفه طشاش أيام و فاقده دليل
بريدك أنت بس جواي لانك روح و نبض أصيل
لأنك دنيا فوق الدنيا وحيد جواي ما ليك بديل
زولى و روحي و كلام الريد مهما قلتو بشوفو قليل
ما بوفيك و لا بقدر أوصف ريد خرافي نبيل
ليست هناك تعليقات:
إرسال تعليق